Erasmus+ va Yoshlar Parlamenti hamkorligi

18-avgust kuni Yoshlar Parlamenti (Oliy Majlis Senati huzurida faoliyat yuritadigan, yoshlarning manfaatlarini ifoda etuvchi va ularning tashabbuslarini qo‘llab-quvvatlaydigan platforma) a’zolari va Milliy Erasmus+ ofisi vakillari o‘rtasida uchrashuv bo‘lib o‘tdi.

Uchrashuv davomida:

• Erasmus+ dasturining yoshlar uchun imkoniyatlari taqdim etildi;
• Talabalar va yoshlar tashkilotlari bilan hamkorlikda dastur haqida ma’lumotlarni keng tarqatish yo‘llari muhokama qilindi;
• Yoshlar parlamentining Erasmus+ loyihalarida ishtiroki va xalqaro hamkorlikdagi o‘rni haqida fikr almashildi;
• Yoshlarning xalqaro mobillik dasturlarida faol ishtirokini kengaytirish masalalari ko‘rib chiqildi.

Muhokama qilingan asosiy hamkorlik yo‘nalishlari:

• Talabalar uchun Erasmus+ imkoniyatlari bo‘yicha qo‘shma sessiyalar;
• Onlayn va oflayn uchrashuvlar tashkil etish;
• Erasmus+ tadbirlarini yoshlar orasida keng targ‘ib qilish;
• Yoshlar tadbirlarida Erasmus+ vakillarining spiker sifatida ishtiroki.

Uchrashuvda Erasmus+ dasturini yanada keng targ‘ib qilish, yoshlarni xalqaro ta’lim va hamkorlik jarayonlariga faol jalb etish bo‘yicha muhim kelishuvlarga erishildi. Yoshlar Parlamenti vakillari kelgusida Milliy Erasmus+ ofisi asosiy tadbirlarida faol qatnashadilar va dastur imkoniyatlarini yoshlar o‘rtasida targ‘ib etishda hamkorlik qiladilar.