12–17-oktabr kunlari O‘zbekistonda Erasmus+ International Days 2026 haftaligi bo‘lib o‘tadi.
Mazkur tadbirlar Erasmus Days 2026 xalqaro tashabbusi doirasida tashkil etilmoqda. Erasmus+ International Days tadbirlarimiz Erasmus Days xalqaro platformasida ham ro‘yxatdan o‘tkazilgan va platformada O‘zbekistonning xalqaro Erasmus+ tadbirlari sifatida ko‘rsatilgan (https://www.erasmusdays.eu/).
Hafta davomida O‘zbekistonning turli hududlarida Erasmus+ imkoniyatlari, loyihalar natijalari va hamkorlik tajribalariga bag‘ishlangan 9 ta tadbir tashkil etiladi:
Erasmus+ imkoniyatlari bo‘yicha axborot sessiyalari
CBHE va Jean Monnet loyihalari bo‘yicha tematik va metodologik seminarlar
Erasmus+ loyihalari natijalarini taqdim etish
ICM hamkorliklari va boshqa Erasmus+ imkoniyatlari
Loyihalarda ishtirok etish bo‘yicha maslahat va ma’lumot sessiyalari
Tadbirlar Toshkent, Urganch, Jizzax, Namangan, Farg‘ona va Nukus shaharlarida tashkil etiladi. Shuningdek, 1 ta tadbir onlayn formatda o‘tkaziladi.
