Tadqiqot va xalqaro hamkorlikni kuchaytirish yo‘lida

26-avgust kuni Milliy Erasmus+ ofisi O‘zbekiston Respublikasi Prezidenti huzuridagi Statistika agentligi qoshidagi Ta’lim va statistika tadqiqot instituti bilan uchrashuv o‘tkazdi.

Uchrashuv davomida quyidagi masalalar muhokama qilindi:

• Raqamli iqtisodiyot va statistika yo‘nalishida malaka oshirish va qayta tayyorlash
• Doktorantlarning xalqaro loyihalarda ishtirok etish imkoniyatlari
• Amaliy tadqiqotlar va amaliyotga yo‘naltirilgan ta’limni rivojlantirish

Shuningdek, CBHE loyihalari va ICM orqali xalqaro hamkorlikni kengaytirish, Marie Skłodowska-Curie Actions (MSCA) dasturi imkoniyatlari hamda Yevropa Ittifoqi Loyiha natijalari platformasidan foydalanish muhim yo‘nalish sifatida belgilandi. 

Tomonlar Erasmus+ Infoday yozuvlarini ulashish, oliy ta’lim muassasalari bilan hamkorlikni kuchaytirish va muntazam aloqani davom ettirishga kelishib oldilar.