Erasmus+ OFINU: Markaziy Osiyo Universitetlari Latviyaga tashrifidan ochiq universitet rivoji yuzasidan tajriba ortirdi

Yevropa Ittifoqining Erasmus+ dasturi tomonidan moliyalashtiriladigan “OFINU – oziq-ovqat innovatsiyalari sohasida Ochiq universitet” loyihasi doirasida 2024-yilning 28-iyundan 5-iyuliga qadar Tojikiston va Oʻzbekiston hamkor universitetlari vakillarining Latviyaga oʻquv tashrifi tashkil etildi. Tashrifda Markaziy Osiyodagi beshta universitet xodimlaridan tashqari, Oʻzbekiston Oliy taʼlim, fan va innovatsiyalar vazirligi vazirlik vakillari, Oʻzbekiston Qishloq xoʻjaligi vazirligi, Tojikiston taʼlim va fan vazirligi, va Slovakiyaning Nitra agrar universiteti vakillari ishtirok etdi.

2024-yil 29-iyun kuni delegatsiya Latviyaning Ranka qishlog’idagi “Kelmeni” oziq-ovqat mahsulotlarini qayta ishlash korxonasiga tashrif buyurib, donni qayta ishlash va non ishlab chiqarish jarayonlari bilan tanishdi. E’tiborlisi, korxona g‘alla yetishtirishdan tortib, uni saqlash, qayta ishlash, turli non mahsulotlari tayyorlash va butun Latviya bo‘ylab yetkazib berishgacha bo‘lgan barcha jarayonlarni qamrab olgan. Bu texnologik jarayonlarning barchasi zamonaviy, innovatsion usullarda tashkil etilgan. Shu kuni guruh a’zolari ochiq universitetda o’qishni tamomlagan «Milmani» ichimliklar kompaniyasi rahbarlari bilan uchrashdilar. Ishbilarmonlar universitetlar tomonidan ko’rib chiqilishi kerak bo’lgan jarayon, muammolar va imtiyozlarni ta’kidladilar.

1-iyul kuni delegatsiya Latviya Ta’lim va fan vazirligiga tashrif buyurdi. Ochiq universitet konsepsiyasining mazmun-mohiyati, oliy va kasbiy va uzluksiz ta’lim tizimini yo‘lga qo‘yish masalalari muhokama qilindi. Shu kuni Latviya Ish beruvchilar Konfederatsiyasi Latviya sanoati manfaati uchun kadrlar salohiyatini oshirish uchun ochiq universitet formatidagi ta’lim imkoniyatlari bo‘yicha tajriba almashdi.

Ishtirokchilar uchun ochiq universitetni rivojlantirish va boshqarish masalalari bo’yicha trening keyingi uch kun ichida Latviya tabiiy fanlar va texnologiyalari universiteti (LBTU) va Riga texnika universitetida (RTU) tashkil etildi. Ikkala universitetda ham guruh universitetlar va ularning faoliyati bilan tanishtirildi. LBTU da guruh oziq-ovqat texnologiyasi fakultetiga tashrif buyurib, oziq-ovqat mahsulotlarini ishlab chiqarish va qadoqlash jarayonlari: non mahsulotlari, turli xil tabiiy sharbatlar, sut va go’sht mahsulotlari bilan tanishdi. Yaxshi jihozlangan laboratoriya jihozlari ochiq universitetda o‘qish istagida bo‘lganlarni jalb qilish uchun katta imkoniyatlar yaratadi. Oziq-ovqat texnologiyasi fakulteti tajribasi Markaziy Osiyodagi barcha hamkorlar uchun muhim manba hisoblanadi. RTU da ishtirokchilar turli fan sohalaridagi laboratoriyalar, amaliy mashg‘ulot xonalari, go‘zal kampusdagi talabalar turar joyi bilan tanishdilar. O‘quv tashrifi yakunida OFINU rahbariyati yig‘ilishi bo‘lib o‘tdi.

Latviyaga oʻtkazilgan oʻquv tashrifi davomida biz hamkor universitetlarning ochiq universitetni rivojlantirish va boshqarish boʻyicha boy, amaliy tajribaga ega boʻldik, shuningdek, ochiq universitet formatini uzluksiz taʼlim bilan uygʻunlashtirish boʻyicha yondashuvlarni oʻrgandik. Mavjud tizimda nafaqat universitetlar, balki ta’lim markazlari, kasb-hunar ta’limi muassasalari ham kuchli raqobat muhitida ishlamoqda.

Tashrifda ishtirok etgan O‘zbekiston vazirliklari vakillari ochiq universitetning ahamiyati va ta’lim sifatiga ta’siri hamda iqtisodiyot tarmoqlari ehtiyojlariga mosligi haqida ma’lumotlarga ega bo‘ldilar. Tashrif Markaziy Osiyoning beshta universitetida oziq-ovqat innovatsiyasi sohasida ochiq universitet ta’lim formatini ishlab chiqish va qabul qilishda muhim qadam bo’ladi.

Qo’shimcha ma’lumotlar uchun: https://ofinu.eu/