HERES VIRTUAL NETWORKING MEETING: TAJRIBADAN AMALIYOTGA QADAM!

2025-yil 17-dekabr kuni “From impact to action: strengthening communication and collaboration among HEREs” mavzusida HEREs onlayn networking yig‘ilishi bo‘lib o‘tdi.

Mazkur onlayn uchrashuv Erasmus+ Oliy ta’limni isloh qilish bo‘yicha milliy ekspertlar guruhi (HEREs) hamda Milliy Erasmus+ ofislari (NEO) vakillari uchun tajriba almashish, mamlakatlararo hamkorlikni mustahkamlash va HERE faoliyatining real ta’sirini muhokama qilishga bag‘ishlandi.

Uchrashuv davomida quyidagi masalalar muhokama qilindi:

• HERE faoliyatining ta’lim tizimidagi aniq ta’siri va uning natijasida yuzaga kelgan o‘zgarishlar

• Muvaffaqiyatli SPHERE faoliyatlari misolida milliy va mintaqaviy darajadagi islohotlar

• HERE natijalarini samarali yetkazish va ularning ko‘rinarliligini oshirish usullari

• 2025-yilgi SPHERE nashri hamda SPHERE 2026 dasturi doirasidagi keyingi rejalar

Tadbir qisqa taqdimotlar, interaktiv so‘rovlar, ochiq muhokamalar va fikr almashuvlar orqali tashkil etildi. Ishtirokchilar HERE tashabbuslari siyosiy, institutsional va amaliy o‘zgarishlarga qanday hissa qo‘shayotgani yuzasidan o‘z tajribalari bilan o‘rtoqlashdilar.

Uchrashuv yakunida ishtirokchilar kelgusida HERE hamjamiyati doirasida yanada yaqin hamkorlikni yo‘lga qo‘yish, tajribalarni tizimli ravishda hujjatlashtirish hamda erishilgan natijalarni keng auditoriyaga yetkazish muhimligini ta’kidladilar.