BARQAROR RIVOJLANISH UCHUN TA’LIM VA O‘QITISH BO'YICHA SPHERE VIRTUAL O‘QUV TASHRIFI BO'LIB O'TDI

2025-yil 16-dekabr kuni SPHERE tashabbusi doirasida “Barqaror rivojlanish uchun ta’lim va o‘qitish” mavzusida virtual o‘quv tashrifi muvaffaqiyatli tashkil etildi. Tadbir oliy ta’lim muassasalari vakillari va mutaxassislarni barqaror rivojlanish kompetensiyalarini ta’lim jarayoniga integratsiya qilish masalalarini muhokama qilish uchun birlashtirdi.

Virtual o‘quv tashrifi davomida Ekstremadura universiteti (University of Extremadura) tajribasi asosiy keys sifatida taqdim etildi. Ishtirokchilar universitetning barqaror rivojlanishga yo‘naltirilgan ta’lim va o‘qitish strategiyasi, uning hududiy rivojlanishdagi o‘rni hamda jamiyat bilan hamkorligi haqida batafsil ma’lumotlarga ega bo‘ldilar.

Dastur doirasida quyidagi masalalar yoritildi:

• Barqaror rivojlanishni ta’lim va o‘qitish jarayoniga integratsiya qilish bo‘yicha institutsional strategiyalar

• Barqaror kelajakni ta’minlashda ilmiy-tadqiqot faoliyatining o‘rni

• Yevropa Ittifoqi alyanslari, amaliyot dasturlari va xizmat asosidagi ta’lim (service learning) orqali xalqaro hamkorlik

• Barqaror rivojlanish uchun zamonaviy pedagogik yondashuvlar

• Professor-o‘qituvchilar va talabalar nuqtayi nazaridan zarur kompetensiyalar

• Barqaror rivojlanish bo‘yicha Yevropa tendensiyalari hamda xodimlar salohiyatini rivojlantirish yondashuvlari

Mazkur virtual o‘quv tashrifi barqaror rivojlanish yo‘nalishida oliy ta’lim muassasalari uchun samarali tajriba almashish, muhokama va xalqaro hamkorlikni mustahkamlashga xizmat qildi.