Ekspertlar bilan tanishing: Ilhom Abdurahmanov – O‘zbekistondagi HEREs jamoasi a'zosi

Sizni O‘zbekistondagi Erasmus+ Milliy ofisining Oliy ta’lim islohotlari bo‘yicha ekspertlar (HEREs) jamoasi a’zosi, Dr. Ilhom Abdurahmanov bilan tanishtirishdan mamnunmiz.

Ekspertimiz haqida qisqacha ma'lumot:
– “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti ("TIQXMMI" MTU) Xalqaro reyting faoliyatini monitoring qilish bo‘limi boshlig‘i
– "TIQXMMI" MTU "Geoinformatika" qo‘shma tadqiqot markazi rahbari
– "TIQXMMI" MTU Geodeziya va geoinformatika kafedrasi katta o‘qituvchisi
– Erasmus+ doirasida sifat kafolati, ECTS, 3 bosqichli ta’lim tizimi, tan olish, mobillik, xalqaro hamkorlik va xalqaro reytinglar bo‘yicha ekspert

Akademik hissalari:
Dr. Ilhom Abdurahmanov oliy ta’lim rivoji bo‘yicha bir qancha maqolalar muallifi hisoblanadi. U "Oliy ta'lim taraqqiyoti istiqbollari" ilmiy-uslubiy jurnalining 14-sonida chop etilgan “O‘zbekiston oliy ta’lim muassasalarining xalqaro reytinglardagi o‘rnini mustahkamlash” mavzusidagi maqola muallifidir.

Xalqaro aloqalar:
HEREs jamoasi a’zosi sifatida u quyidagi muhim xalqaro Erasmus+ tadbirlarida ishtirok etgan:

1. "Ta'lim va o'qitish: innovatsiyalar, raqamlashtirish va xalqaro hamkorlik", Université catholique de Louvain (UCLouvain), Luven, Belgiya – 2023 yil 15–16 iyun

2. “Ta’sir uchun oliy ta’lim siyosati islohoti", Barselona universiteti, Ispaniya – 2023 yil 4–5 dekabr

3. “Innovatsion ekotizimlar uchun universitet va sanoat hamkorligini kuchaytirish”, TAMK Amaliy fanlar universiteti, Tampere, Finlandiya – 2024 yil 3–4 sentabr

4. “Yevropa va Markaziy Osiyo o‘rtasida universitetlar hamkorligini mustahkamlash: qo‘shma dasturlar, tadqiqot va mobillik orqali imkoniyatlarni kengaytirish”, Bishkek, Qirg‘iziston – 2025 yil 22–24 aprel

Dr. Ilhom Abdurahmanov O‘zbekiston oliy ta’lim tizimini xalqaro standartlarga moslashtirish va uning global nufuzini oshirishga faol hissa qo‘shmoqda.

Biz bilan qoling, O‘zbekistondagi HEREs jamoasi bilan tanishtirishda davom etamiz.