TAM onlayn seminari: Uzluksiz ta’lim va global muammolarga texnik yechimlar

15-may kuni Erasmus+ dasturi doirasida “Barqaror taraqqiyotning kaliti sifatida umrbod ta’lim: Global muammolar uchun texnik yechimlar” mavzusida Technical Assistance Mission (TAM) seminari bo‘lib o‘tdi. Ushbu seminarning davomini bugun 16-may soat 13:00da ko‘rishingiz mumkin.

Seminar mehmoni – xalqaro ekspert Professor Kirsi Popova, Yevropadagi uzluksiz ta’lim yondashuvlari va uning barqaror rivojlanish maqsadlariga qanday hissa qo‘shayotgani haqida o‘z tajribasi bilan bo‘lishdi.

Seminar davomida Prof. Popova o‘z universitetidagi (TAMK) barqarorlik ishlari haqida ham foydali manba bilan bo‘lishdi: Sustainability and Social Responsibility at TAMK.

Seminar doirasida Dr. Ilhom Abdurahmanov, “TIIAME” NRU Xalqaro reytinglar bo‘limi rahbari va HERE eksperti, “Ta’limda va uzluksiz o‘qishda mikro-kreditlarning o‘rni” mavzusida taqdimot o‘tkazdi va bu yangi yondashuv orqali insonlar va oliy ta’lim muassasalariga qanday yangi imkoniyatlar yaratilayotgani haqida so‘z yuritildi.