ERASMUS CBHE -QUARTZ loyihasining ta’siri: Urganch davlat universiteti misolida onlayn sessiya o‘tkazildi

2026-yil 7-may kuni soat 10:00–11:00 da Erasmus+ dasturi doirasida “QUARTZ CBHE loyihasining ta’siri (Urganch davlat universiteti misolida)” mavzusida onlayn sessiya tashkil etildi.

Mazkur tadbir davomida ishtirokchilar Capacity Building in Higher Education (CBHE) loyihalarining oliy ta’lim muassasalari rivojlanishiga qo‘shayotgan hissasi, ularning amaliy natijalari hamda universitetlarda sifatni oshirish va modernizatsiya jarayonlaridagi o‘rni haqida batafsil ma’lumotlarga ega bo‘ldilar.

Sessiyada QUARTZ loyihasi misolida Urganch davlat universitetida amalga oshirilgan islohotlar, ta’lim sifatini ta’minlash mexanizmlarini takomillashtirish hamda zamonaviy boshqaruv va ta’lim yondashuvlarini joriy etish bo‘yicha erishilgan natijalar taqdim etildi.

Tadbir davomida quyidagi masalalarga alohida e’tibor qaratildi:

• CBHE loyihalarining amaliy natijalari va ta’siri;
• QUARTZ loyihasi doirasida erishilgan yutuqlar;
• Universitetlarda sifatni oshirish bo‘yicha zamonaviy yondashuvlar;
• Oliy ta’lim tizimini modernizatsiya qilish jarayonlari;
• Xalqaro hamkorlik va tajriba almashishning ahamiyati.

Sessiya ishtirokchilarga Erasmus+ loyihalarining universitetlar rivojiga qo‘shayotgan hissasi, ta’lim sifatini oshirishdagi roli hamda xalqaro standartlarga mos boshqaruv tizimlarini shakllantirishdagi ahamiyati haqida muhim tushunchalar berdi.

Erasmus+ dasturi doirasidagi loyihalar oliy ta’lim muassasalarining salohiyatini oshirish, innovatsion yondashuvlarni joriy etish va xalqaro hamkorlikni mustahkamlashga xizmat qilmoqda.

Erasmus+ — bu nafaqat yangi imkoniyatlar, balki universitetlarning barqaror rivojlanishiga xizmat qiluvchi real natijalar va amaliy o‘zgarishlardir.