Yangiliklar
Erasmus+ Haftaligi 2026 doirasidagi navbatdagi seminar Toshkent axborot texnologiyalari universitetida bo‘lib o‘tdi!
30
5-may kuni Muhammad al-Xorazmiy nomidagi Toshkent axborot texnologiyalari universitetida Erasmus+ axborot-metodologik seminari tashkil etildi.

Tadbirda O‘zbekistondagi Yevropa Ittifoqi Delegatsiyasi, Milliy Erasmus+ ofisi mutaxassislari, HEREs ekspertlari hamda Erasmus+ loyihalari vakillari tomonidan muhim ma’lumot va tavsiyalar taqdim etildi.

Seminar davomida:
- Erasmus+ dasturining OTMlar uchun imkoniyatlari va hamkor topish bo‘yicha tavsiyalar
- Erasmus Mundus Joint Masters (EMJM) va Erasmus+ Alumni tarmog‘i imkoniyatlari
- INTRAS, INMACOM, DEBSEUZ va CYBER4CA kabi CBHE loyihalarining muvaffaqiyatli tajribalari
- International Credit Mobility (ICM) dasturi va alumni tajribasi
- Kuchli Jean Monnet loyiha takliflarini ishlab chiqish bo‘yicha tavsiyalar muhokama qilindi.
