Qisqa muddatli tadqiqot tanlovi: “Erasmus+ dasturining O’zbekistondagi ta’siri”

O‘zbekistondagi Milliy Erasmus+ ofisi tomonidan 2021–2026-yillardagi Erasmus+ tanlovlari doirasida O‘zbekistonda amalga oshirilgan loyihalarning ta’sirini baholash maqsadida Milliy Ta’sir Tadqiqoti (National Impact Study – NIS) o‘tkazish uchun arizalar qabul qilinadi.

Tadqiqot O‘zbekiston ishtirok etgan quyidagi Erasmus+ yo‘nalishlarini qamrab oladi:

• Oliy ta’limda salohiyatni oshirish (CBHE)

• Xalqaro kredit mobilligi (ICM)

• Jean Monnet aksiyalari (JMA)

• Erasmus Mundus qo‘shma magistratura dasturlari (EMJM) va Dizayn choralar (EMDM)

Ma’lumot uchun, tanlangan ekspert yoki ekspertlar jamoasi loyihalarni kompleks ko‘rib chiqish va ko‘p darajali ta’sir tahlilini amalga oshiradi. Bunda milliy, institutsional va individual darajadagi natijalar, katta hajmdagi ma’lumotlar bazasi tahlili, intervyular, so‘rovnomalar hamda zarur hollarda hududlarga tashriflar amalga oshiriladi.

Yakuniy natijalar sifatida:

• 120–150 sahifalik ingliz tilidagi Milliy Ta’sir Tadqiqoti kitobi

• Ingliz va o‘zbek tillarida 25–30 slayddan iborat taqdimot

• Ikki tilda infografika poster

Arizalar topshirish uchun yakuniy muddat: 20-mart, 2026-yil

Arizalar yo‘riqnomasi mavjud.