Erasmus+ DIANA xalqaro loyihasi doirasida Kick-Off Meeting bo‘lib o‘tdi

O‘zbekiston oliy ta’lim muassasalari Yevropa Ittifoqining Erasmus+ dasturi doirasidagi DIANA (Empowering Women through the Development and Implementation of Rural Tourism Entrepreneurship in
Kazakhstan and Uzbekistan) xalqaro grant loyihasida faol ishtirok etmoqda.

2026-yil 2–3-fevral kunlari Qozog‘iston Respublikasining Shokan Ualikhanov nomidagi Kokshetau universiteti mezbonligida DIANA loyihasining rasmiy ochilish yig‘ilishi — Kick-Off Meeting bo‘lib o‘tdi. Mazkur uchrashuv davomida loyiha hamkorlari kelgusidagi hamkorlik yo‘nalishlari, vazifalar, ish rejalari hamda amalga oshirish mexanizmlarini muhokama qildilar.

Nukus davlat texnika universiteti o‘z tarixida ilk bor Erasmus+ dasturining yirik xalqaro grant loyihasida ishtirok etish huquqini qo‘lga kiritdi. Uchrashuvda universitetdan:

• “Kompyuter injiniringi” kafedrasi mudiri, f.-m.f.n., dotsent Asiya Tureniyazova

• Reja-moliya bo‘limi mudiri Alima Shamuratova

ishtirok etib, loyiha doirasidagi ustuvor vazifalar va boshqaruv masalalari yuzasidan muzokaralar olib bordilar.

O‘zbekiston hamkor universitetlari

DIANA loyihasida O‘zbekistondan quyidagi oliy ta’lim muassasalari hamkor sifatida ishtirok etmoqda:

• Nukus davlat texnika universiteti

• Xalqaro qishloq xo‘jaligi universiteti

• “Ipak yo‘li” turizm va madaniy meros xalqaro universiteti

Loyiha maqsadi va ahamiyati

DIANA xalqaro loyihasining asosiy maqsadi:

✔️ Qishloq hududlarida yashovchi ayollarning raqamli savodxonligini oshirish
✔️ Yashil iqtisodiyot tamoyillari asosida ayollar tadbirkorligini rivojlantirish
✔️ Agroturizmni rivojlantirish orqali bandlikni oshirish
✔️ Barqaror iqtisodiy o‘sishga hissa qo‘shish

Loyiha doirasida innovatsion o‘quv modullari ishlab chiqish, treninglar tashkil etish, xalqaro tajriba almashish hamda barqaror rivojlanishga xizmat qiluvchi mexanizmlarni joriy etish rejalashtirilgan.

Mazkur loyiha O‘zbekiston oliy ta’lim tizimida xalqaro hamkorlikni mustahkamlash, hududiy rivojlanishni qo‘llab-quvvatlash hamda ayollar iqtisodiy faolligini oshirishda muhim ahamiyat kasb etadi.