Erasmus+ Days 2025 – 4-kun yakuni

Erasmus+ Days 2025 – 4-kun yakuni

15-oktabr kuni, #ErasmusDays doirasida Farg‘ona davlat universitetida Erasmus+ dasturi bo‘yicha axborot sessiyasi hamda TEX4FUTURE loyihasi taqdimoti va seminari yuqori saviyada o‘tkazildi.

Tadbirda universitet rahbariyati, professor-o‘qituvchilar, bakalavr va magistrantlar, doktorantlar, shuningdek O‘zbekiston Respublikasi Milliy Erasmus+ ofisi loyiha menejeri Mahmudjon O‘tkurov hamda TEX4FUTURE loyihasi vakili professor Jahongir G‘afurov ishtirok etdilar.

Sessiya davomida:

• Erasmus+ dasturining tashkilotlar va talabalar uchun imkoniyatlari taqdim etildi

• TEX4FUTURE loyihasi natijalari va innovatsion yondashuvlari muhokama qilindi

• Farg‘ona davlat universiteti va Farg‘ona davlat texnika universitetining CBHE loyihalari bo‘yicha eng yaxshi tajribalari o‘rtoqlashildi

Mazkur seminar universitetning xalqaro hamkorlikni kengaytirish, ta’limda innovatsion yondashuvlarni joriy etish va yoshlarni global akademik maydonga tayyorlash yo‘lidagi muhim qadamlardan biri bo‘ldi.