"Mening Erasmus+ Almashinuv Tajribam" hikoyalar tanlovi Toshkent Shahridagi Westminister Universitetida o'tkazildi

2024-yil 10-dekabr kuni Toshkentdagi Westminster xalqaro universitetida Erasmus+ kuni doirasida “Mening Erasmus+ almashinuv tajribam” hikoya tanlovi o‘tkazildi. Bu tadbir O‘zbekiston va Yevropa Ittifoqi o‘rtasida oliy ta’lim sohasidagi 30 yillik hamkorlikni nishonlash maqsadida tashkil etildi. Ochilish nutqlarini Yevropa Ittifoqining O‘zbekistondagi delegatsiyasining Hamkorlik bo‘limi loyihalar menejeri janob Akmal Rustamov shuningdek, O‘zbekistondagi milliy Erasmus+  ofisi koordinatori Aziza Abdurahmonova so‘zlab berdi.

Tadbir Erasmus+ Xalqaro kredit mobilligi (ICM) dasturida ishtirok etgan talabalar uchun o‘zlarining ilhomlantiruvchi almashinuv tajribalarini ijodiy hikoyalash orqali baham ko‘rish imkoniyatini yaratdi.

Tadbirda shuningdek, ikki Jean Monnet loyihasi bo‘yicha taqdimotlar bo‘lib o‘tdi:

• Jean Monnet Module EUCAD
• Jean Monnet Chair CACETL
• Erasmus Mundus qo‘shma magistratura (EMJM) imkoniyatlari bo‘yicha bitiruvchi Muslixiddin Narzullayev tomonidan o‘rtoqlashilgan qimmatli maslahatlar va tajribalar ishtirokchilarni ilhomlantirdi.

 

Tanlov g‘olibi Tumaris Ramanovani tabriklaymiz! Uning hikoyasi tinglovchilarni o‘ziga jalb qildi!

Birinchi o‘rinni egallagan Tumaris va yana ikki ishtirokchi sertifikatlar, sovg‘alar hamda Xalqaro kredit mobilligi – 2024 nashrida o‘z hikoyalari bilan ishtirok etish imkoniyatiga ega bo‘ldilar.

Ushbu tadbirni muvaffaqiyatli o‘tkazgan barcha ishtirokchilar va tashkilotchilarga katta rahmat!