Erasmus+ EMPOWER loyihasini targ‘ib qilish sessiyasi

O‘zbekistondagi Milliy Erasmus+ ofisi nomidan, amaldagi "Erasmus+ EMPOWER" loyihasini targ‘ib qilishga bag‘ishlangan onlayn sessiyani e'lon qilishdan mamnunmiz. Ushbu sessiya Erasmus+ loyihasini targ‘ib qilish, loyihani amalga oshirish jarayonida EMPOWER jamoasi duch kelgan muammolarni muhokama qilish, eng yaxshi tajribalar bilan bo‘lishish va loyihada ishtirok etganlarning foydali tajribalarini ta'kidlashga qaratilgan.

Tadbirda Erasmus+ Oliy ta'limda salohiyatni oshirish (CBHE) loyihalarining o‘ziga xos xususiyatlari namoyish etilib, EMPOWER loyihasi haqida qimmatli ma'lumotlar taqdim etiladi.

Sizni 21-noyabr kuni soat 14:00 da ushbu sessiyada ishtirok etishga taklif qilamiz. Ishtirokingizni tasdiqlash uchun quyidagi ro‘yxatga olish shaklini to‘ldirishingizni so‘raymiz:

Ro‘yxatga olish shakli

Tadbir haqida batafsil ma'lumot, jumladan, tadbir havolasi elektron pochta orqali yuboriladi. Iltimos, ro‘yxatga olish muddati 19-noyabr kuni soat 18:00 da tugashini unutmang.