Erasmus+ ECAMP 2 ishtirokchilari bilan kuzatuv uchrashuvlari va loyihalararo konferensiya

2024-yilning 14–18-oktabr kunlari kuzgi Erasmus+ haftaligi doirasida Toshkent kimyo-texnologiya instituti va Ilg‘or texnologiyalar markazida "CAMP 2 ishtirokchilari bilan kuzatuv uchrashuvlari" hamda "Loyihalararo konferensiya" bo‘lib o‘tdi. Ushbu tadbir Yevropa Ittifoqining ERASMUS-EDU-2022-CBHE dasturi doirasidagi "ECAMPUZ: Oziq-ovqat fanlari va texnologiyalari bo'yicha O'zbekiston olimlari uchun Yevropa Jahon Talantlar Lageri" loyihasi doirasida tashkil etildi.

Mazkur kuzatuv tashriflari davomida Yevropa Ittifoqi trenerlari CAMP 2 ishtirokchilari va boshqa O‘zbekiston hamkorlari, shu jumladan oziq-ovqat sanoati vakillari bilan qo‘shimcha ilmiy seminarlar o‘tkazdilar. Ushbu seminarlar bilim almashishni mustahkamlash va hamkorlikni kuchaytirishga qaratilgan bo‘lib, loyiha doirasidagi uzluksiz rivojlanishni ta'minlashga xizmat qildi.

Shuningdek, uchrashuvlar davomida CAMP 2 qo‘mitasi va talabalarining fikr-mulohazalari yig‘ildi, bu esa kelgusidagi CAMP dasturlarining tuzilmasi va mazmunini yaxshilashda muhim ahamiyat kasb etadi. Ushbu hamkorlik Yevropa va O‘zbekiston tajribasini oziq-ovqat fanlari va texnologiyalari sohasida yanada yaqinlashtiradigan va xalqaro hamkorlikni mustahkamlaydigan muhim qadamdir.