Erasmus+ CBHE TALENT loyihasi monitoringgi bo'lib o'tdi

11-16-aprel kunlari Erasmus+ CBHE “TALENT – Markaziy Osiyoda inson resurslarini boshqarish bo‘yicha magistratura dasturlari” loyihasi doirasida Buxoro davlat universiteti, Toshkent xalqaro Vestminster universiteti, Afina iqtisodiyot va biznes universiteti vakillari loyiha doirasida tashkil qilingan magistratura dasturlari monitoringini o‘tkazish maqsadida Qozog‘istonning Nazarboyev universiteti hamda Yevroosiyo innovatsion universitetida bo‘lib qaytishdi. 

 

Safar davomida loyiha asosiy maqsadlari bilan bir qatorda qo‘shimcha natijalarga ham erishish hamda ularning barqarorligini taʼminlash maqsadida loyiha yakunlanganidan so‘ng ham hamkorlikni davom ettirishga qaratilgan shartnomalar imzolandi.