Erasmus+ haqida tez-tez so‘raladigan savollar (FAQ)

Erasmus+ haqida tez-tez so‘raladigan savollar (FAQ)

1. Erasmus+ nima?
   Erasmus+ — bu Yevropa Ittifoqining ta’lim, trening, yoshlar va sport sohalarini qo‘llab-quvvatlovchi dasturidir. U orqali talaba, o‘qituvchi va xodimlar Yevropada o‘qish, dars berish yoki malaka oshirish imkoniyatiga ega bo‘ladilar.
2. O‘zbekistondagi Milliy Erasmus+ Ofisi nima bilan shug‘ullanadi?
   Biz Erasmus+ dasturining O‘zbekistonda samarali amalga oshirilishini qo‘llab-quvvatlaymiz:
   Dastur haqida ma’lumot beramiz
   Ariza topshiruvchilarga maslahat beramiz
   Hamkorlar topishda ko‘maklashamiz
   Loyihalarni monitoring qilamiz
   Higher Education Reform Expertlar (HEREs) faoliyatini muvofiqlashtiramiz
   Turli tadbirlar tashkil qilamiz (seminarlar, infodaylar va boshqalar)
3. Qachon ofisga kelib maslahat olishim mumkin?
   Milliy Erasmus+ Ofisi individual maslahat bermaydi. Ammo, biz onlayn muloqotlar, ochiq darslar va ta’lim yarmarkalarida ishtirok etamiz. Savollaringiz bo‘lsa, ularni neo@erasmusplus.uz manziliga yuborishingiz mumkin.
4. Bakalavriat talabalari uchun qanday imkoniyatlar bor?
   Xalqaro kredit mobilligi (ICM) dasturi orqali siz:
   3-12 oylik o‘qish mobilligida,
   2-12 oylik amaliyot (traineeship) dasturlarida qatnashishingiz mumkin.
   Ariza topshirish uchun o‘qiyotgan oliygohingizdagi Xalqaro aloqalar bo‘limiga murojaat qiling.
5. Erasmus Mundus dasturlari ro‘yxatini qayerdan topsa bo‘ladi?
   Erasmus Mundus Joint Masters (EMJM) katalogi:
   https://www.eacea.ec.europa.eu/scholarships/erasmus-mundus-catalogue_en
   Har bir dastur alohida vebsaytga ega va ariza muddati farq qiladi — yozda, kuzda yoki qishda ochilishi mumkin.
6. Erasmus+ dasturlariga qachon ariza topshiriladi?
   Bu har bir dasturga bog‘liq. EMJM uchun odatda oktyabr-fevral oralig‘ida, ICM esa har bir universitet shartlariga ko‘ra farq qiladi. E’lonlarni diqqat bilan kuzatib borishingiz maslaxat beramiz!