2025-yilda 13 nafar o‘zbekistonlik talaba Erasmus Mundus magistrlik dasturlariga qabul qilindi!

2025-yil tanlov natijalariga ko‘ra, g‘oliblar orasida 9 nafar ayol va 4 nafar erkak talabalar bor. Ulardan 10 nafari grant asosida, ya’ni to‘liq Erasmus Mundus stipendiyasi bilan o‘qishga qabul qilingan, 3 nafari esa o‘z mablag‘i hisobidan (non-scholarship) o‘qishni boshlaydi.

Talabalar 2025-yilning avgust–sentyabr oylarida o‘z magistrlik ta’limini Yevropaning quyidagi davlatlarida boshlashadi:

• Ispaniya – 3 nafar
• Fransiya – 2 nafar
• Niderlandiya – 2 nafar
• Germaniya – 2 nafar
• Portugaliya – 2 nafar
• Estoniya – 1 nafar
• Daniya – 1 nafar

Bu yilgi tanlangan o‘quv yo‘nalishlari quyidagilarni o‘z ichiga oladi:

• Barqaror rivojlanish uchun membrana texnologiyalari
• Jamiyatlar uchun barqaror axborot texnologiyalari
• Barqaror muhandislik uchun ko‘p fazali tizimlar
• Innovatsion tibbiyot
• Kartografiya – barqaror dunyo uchun xaritalashtirish
• Xalqaro vaksinologiya
• Globallashgan dunyoda diniy xilma-xillik
• Yevropa huquqi va iqtisodiyoti
• Kiberfazo, xulq-atvor va elektron terapiya (KIBER)
• Intellektual mulk va ma’lumotlar huquqi
• Bo‘sh vaqt va sport boshqaruvi
• Arxeologik materialshunoslik
• Yevropa atrof-muhit iqtisodiyoti va siyosati

Yurtimiz yoshlari uchun xalqaro ta’lim sari muhim qadam! Erasmus Mundus Joint Masters – 2025 dasturiga qabul qilingan barcha talabalarga kelgusidagi o‘qishlarida muvaffaqiyat tilaymiz!