OLIY TA'LIMNING "UCHINCHI MISSIYASI" HAQIDA YANGI NASHR

Erasmus+ dasturi doirasidagi Erasmus+ Oliy ta’lim islohotlari bo‘yicha ekspertlar (HEREs) jamoasi tomonidan “Current Trends in Higher Education and its Third Mission: Partnering for Social and Economic Development in HERE Countries” nomli yangi nashr e’lon qilindi.

Mazkur nashr oliy ta’lim muassasalarining ta’lim va tadqiqotdan tashqari jamiyat va iqtisodiy rivojlanishga qo‘shayotgan hissasi — ya’ni “uchinchi missiya” masalasini yoritadi. Unda universitetlarning jamiyat bilan hamkorligi, hududiy rivojlanishdagi roli va mehnat bozori bilan aloqalari tahlil qilinadi.

Nashrda quyidagi mavzular muhokama qilinadi:
🔹 Oliy ta’limning “uchinchi missiyasi” tushunchasi va uning ahamiyati
🔹 Universitetlarning jamiyat bilan hamkorligi va xizmatlari (community engagement)
🔹 Mehnat bozori ehtiyojlariga moslashuv va sanoat bilan hamkorlik
🔹 Kattalar ta’limi va uzluksiz o‘qish imkoniyatlari
🔹 Iqlim o‘zgarishi, talabalar farovonligi va fuqarolik ongini rivojlantirish kabi zamonaviy chaqiriqlarga javob
🔹 Erasmus+ loyihalari misolida universitetlarning jamiyat bilan ishlash tajribasi
🔹 Milliy siyosatlarda institutsional avtonomiya, sifatni ta’minlash, boshqaruv va akademik karyera masalalarining roli
🔹 Universitetlarda ta’lim, tadqiqot va jamiyat bilan hamkorlikni integratsiya qilish orqali yagona institutsional yondashuvni shakllantirish

Nashr G‘arbiy Bolqon, Sharqiy qo‘shnichilik, Janubiy O‘rta yer dengizi va Markaziy Osiyo mamlakatlaridagi oliy ta’lim tizimlari misolida tayyorlangan.

 Batafsil o‘qish uchun: https://erasmus-networks.ec.europa.eu/sphere/publication/thirdmission