Buxoro davlat universiteti olimlari Erasmus+ BioEcUz loyihasi doirasida Finlandiya davlatining Jyväskylä shahrida

Erasmus+ dasturining BioEcUz: “O’zbekistonda barqaror Bioiqtisodiyot bo’yicha yangi magistratura o’quv dasturi” loyihasi doirasida BuxDUning dotsentlari M.A.Oripov, F.M.Raxmatullayeva, PhD Z.S.Nurov, PhD H.R.Turobova, PhD O.Sharipov va tayanch doktorant E.A.Farmanovlardan iborat professor-o’qituvchilar Finlandiyaning JAMK amaliy fanlar universitetiga 2023-yil 19-maydan boshlab  xizmat safarida bo'lib turibdi.

Safarning dastlabki kunida loyiha ishtirokchilari Jyväskylä shahridagi Kangas “aqlli shahar” loyihasi taqdimoti va 2030 yilgacha shaharchaning innovatsion ekotizimi va ta’lim institutlari tadbiq etish rejalari bilan tanishishdi, hamda ushbu shaharchada TEAM ACAMEMY guruhi bilan tanishib, talabalarning biznes loyihalari va amaliyotda joriy etilganligi to’g’risida davra suhbati olib borildi. Shu bilan birga, Jyväskyläda JAPAning barqaror rivojlanish assotsatsiyasi haqida taqdimot qilindi.

Manba: https://t.me/buxdu_uz/32126