Erasmus ICM KA171 loyihasi bo‘yicha Ruminiyaning Rumin-Amerika universiteti professorlari Sonya Aber Elshami va Stenkoan Byankani Qarshida

Xabaringiz bor, ayni shu kunlarda Yevropa Ittifoqi Erasmus dasturi ICM KA171 loyihasi bo‘yicha Ruminiya davlatidagi Rumin-Amerika universiteti professorlari Sonya Aber Elshami va Stenkoan Byankani xizmat safari bilan Qarshi muhandislik-iqtisodiyot institutida bo‘lib turishibdi.

Ular dastlab institut rektori Orifjon Bozorov bilan kelgusidagi hamkorlik masalalari yuzasidan muloqot o‘tkazdilar. Unda professor-o‘qituvchilar va yosh olimlarning qisqa muddatli stajirovkalarini tashkil etish, birgalikda ilmiy anjumanlar o‘tkazish, ilmiy loyihalar tanlovlarida ishtirok etish masalalari muhokama qilindi.

Mehmonlar tashrif davomida “Ijtimoiy fanlar” kafedrasi professor-o‘qituvchilari va talaba-yoshlar bilan uchrashdilar, o‘z universitetlari haqida taqdimot o‘tkazdilar. Mazkur oliygohdagi fakultetlar, o‘qitish uslublari, talabalar uchun yaratilgan shart-sharoitlar haqida so‘zlab berdilar.